Share

Sep 26, 2008

கேத்தி ஆக்கர்

கேத்தி ஆக்கர் எழுதிய Blood and Guts in Highschool நாவலில் பத்து வயது சிறுமி ஜேனி ஸ்மித் அவள் தகப்பனிடம் கொள்ளும் உறவு Father Image பாதிப்பு தான் . அவளுக்கு அவள் தகப்பன் உறவு எல்லாமாக நண்பனாகவும் அதோடு Incest வகையினதாகவும் அமைந்திருக்கிறது . இந்த நாவலில் புனித ஜெனே என சார்த்தர் புகழ்ந்துரைத்த ழான் ஜெனேயை ஒரு கதாபாத்திரமாகவே கேத்தி ஆக்கர் கொண்டுவருகிறார் . ஒரு பிரபலமான பிரஞ்சு எழுத்தாளன் ஜெனே ஒரு அமெரிக்க நாவலில் கதாபாத்திரம் . இப்படி தமிழில் ஜானகிராமனின் மோக முள்ளில் , M . V . வெங்கட் ராம் (நித்யகன்னி , வேள்வித்தீ ,காதுகள் ஆகிய நாவல்களின் ஆசிரியர் ) ஒரு கதாபாத்திரமாகவே வருவார் .
'கருச்சிதைவுகள் என்பது இந்த உலகை பொறுத்தவரை உடல் உறவின் வெளி பிம்பமாக ,குறியீடாக உள்ளது .வலி, பயம் ... என்னுடைய கருச்சிதைவுகளை விவரிப்பதன் மூலமாகவே வலி , பயம் என்ற உணர்வுகளை யதார்த்தமாக உங்களுக்கு நான் கூற முடியும் '-Blood and Guts in Highschool நாவலில் கேத்தி ஆக்கர் சொல்வது .
கேத்தி ஆக்கர் சகஜமாக டிக்கென்சின் நாவல் Great expectationsதலைப்பை தன்னுடைய நாவல் ஒன்றிற்கு எடுத்துள்ளவர் . அது போல செர்வாண்டஸ் உடைய பிரபலமான Don quixote யையும் தன்னுடைய மற்றொரு நாவல் தலைப்பாக்கியிருக்கிறார் . இத்தாலிய இயக்குனர் பசோலினி ( 120 years of Sodam என்ற SADE நாவலை படமாக்கியவர் ) பற்றிய நாவலில் ஹாம்லெட் கதாபத்திரங்கள் போலோநியஸ் , மகள் ஒபிலியா இருவரும் உரையாடும் காட்சி இப்படி
போலோநியஸ் பேசுவதை நம்பியார் பேசுவது போல் நினைத்துபாருங்கள் .
போலோநியஸ் : நீ அந்த ஹாம்லெட் பயலை விரட்டிக்கிட்டு திரியறே .உங்களுக்குள்ளே ஏதோ இருக்கு . நான் விட மாட்டேன் . ஒனக்கு நான் தான் பாதுகாப்பு . வீடு , சாப்பாடு எல்லாம் தாரேன் .
ஒபிலியா : Why don’t you fuck your wife, instead of me?
போலோநியஸ் : அசிங்கமா பேசுறே . ஒன்னோட வாயை சோப் போட்டு நான் கழுவ போறேன் .
இந்த போலோநியஸ் பாத்திரம் ஷேக்ஸ்பியர் பாத்திரங்களில் விஷேசமானது .
எங்களுக்குஅமெரிக்கன் கல்லூரியில் ஷேக்ஸ்பியர் " ஹேம்லெட் " பாடம் வசந்தன் நடத்தினார் . ஹேம்லெட் என்றால் வசந்தன் ஞாபகம் தான் இப்போதும் வரும் . இரண்டாம் ஆண்டு இதே நாடகத்தைD .யேசுதாஸ் என்ற புரொபெசர் நடத்த வந்தார் . அப்போது போலோநியஸ் காரக்டர் (நம்பியார் பாணி அல்ல )ஆகவே அவர் மாறி விடுவார் .இப்போதும் போலோநியஸ் பாத்திரம் அவரை(DY )நினைவு படுத்தும் .

4 comments:

  1. Been following your blog for the past few weeks and find it illuminating. Good work Sir.

    On researching Kathy Acker, found these snippets in Wikipedia:
    Blood and Guts was banned as pornographic in West Germany and South Africa. It is featured in Peter Boxall's book, 1001 Books You Must Read Before You Die and The Little Black Book of Books.

    ReplyDelete
  2. Krishnan,

    That's why I have put a short,crisp write-up in my blog.

    Thanks for your admiring comment.

    Kind regards,

    R.P.RAJANAYAHEM

    ReplyDelete
  3. உங்களின் தொடர் - வாசகனாகிவிட்டேன்!

    கேத்தி ஆக்கரின் சில எழுத்துகளைக் கொஞ்சம் கொஞ்சம் இணையத்தில் துழாவி வாசித்ததுதான். சாருவும் அடிக்கடி எழுதுவாரே!

    ReplyDelete

Note: Only a member of this blog may post a comment.